Qazaqstan Respýblıkasy Qarjy mınıstrliginiń buıryǵy  №599 

2015 jylǵy 30 qarasha, Astana qalasy Ishki aýdıt qyzmetteri týraly úlgilik erejeni bekitý týraly «Memlekettik aýdıt jáne qarjylyq baqylaý týraly» 2015 jylǵy 12 qarashadaǵy Qazaqstan Respýblıkasynyń Zańynyń 14-baby 4) tarmaqshasyna sáıkes buıyramyn: 1. Qosa berilip otyrǵan Ishki aýdıt qyzmetteri týraly úlgilik ereje bekitilsin. 2. Qazaqstan Respýblıkasy Qarjy mınıstrliginiń Býhgalterlik esep pen aýdıt ádisnamasy departamenti (A.T. Bekturova) zańnamada belgilengen tártippen: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Qarjy mınıstrliginiń ınternet-resýrsynda ornalastyrýdy qamtamasyz etsin. 3. Osy buıryq onyń memlekettik tirkelgen kúninen bastap qoldanysqa engiziledi. Qazaqstan Respýblıkasynyń Qarjy Mınıstri B.SULTANOV Qazaqstan Respýblıkasy Qarjy mınıstriniń 2015 jylǵy 30 qarashadaǵy №599 buıryǵymen bekitilgen Ishki aýdıt qyzmetteri týraly úlgilik ereje Osy Ereje Qazaqstan Respýblıkasynyń zańnamalyq aktilerine sáıkes Qazaqstan Respýblıkasynyń Ulttyq Bankiniń, Qazaqstan Respýblıkasynyń arnaıy memlekettik organdardyń ishki aýdıt qyzmetterin qospaǵanda, ortalyq memlekettik organdardyń, ortalyq memlekettik organdary vedomstvolarynyń, oblystardyń, respýblıkalyq mańyzy bar qalalardyń, astananyń jergilikti atqarýshy organdary ishki aýdıt qyzmetteriniń mártebesin, ókilettikterin jáne jumysyn uıymdastyrýdy aıqyndaıdy. 1. Jalpy erejeler 1. Ishki aýdıt qyzmetteri (budan ári – IAQ) birinshi basshynyń, oblys, respýblıkalyq mańyzy bar qala, astana ákiminiń qalaýy boıynsha ortalyq memlekettik organnyń, ortalyq memlekettik organy vedomstvolarynyń birinshi basshysynyń, sheshimimen (buıryq, ókim) qurylady. 2. Qazaqstan Respýblıkasynyń Ulttyq Bankiniń IAQ qospaǵanda, ortalyq memlekettik organdardyń, ortalyq memlekettik organdary vedomstvolarynyń, respýblıkalyq mańyzy bar qalalardyń, astananyń jergilikti atqarýshy organdarynyń IAQ óziniń qyzmetin Qazaqstan Respýblıkasynyń Konstıtýsııasyna, «Memlekettik aýdıt jáne qarjylyq baqylaý týraly» (budan ári - Zań) 2015 jylǵy 12 qarashadaǵy Qazaqstan Respýblıkasynyń Zańyna, qoldanystaǵy zańnama talaptaryna jáne memlekettik organnyń ishki qujattaryna sáıkes júzege asyrady. 3. IAQ qurylymyn jáne shtattyq sanyn (sandyq quramy) ortalyq atqarýshy organnyń jaýapty hatshylary (belgilengen tártippen ortalyq atqarýshy organy jaýapty hatshysynyń ókilettikteri júktelgen laýazymdyq tulǵalar), al olar bolmaǵan jaǵdaıda – osy memlekettik organdardyń basshylary, oblystyń, respýblıkalyq mańyzy bar qalanyń, astananyń ákimi buıryǵynyń (ókimniń) negizinde bekitedi. Joǵary Sottyń jáne Qazaqstan Respýblıkasy Prezıdentiniń Is Basqarmasynyń IAQ qyzmetin uıymdastyrýshylyq jáne materıaldyq –tehnıkalyq qamtamasyz etýi qoldanystaǵy zańnama talaptaryna sáıkes júzege asyrylady. 4. IAQ qyzmetkerleriniń fýnksıonaldyq mindetteri, quqyqtary jáne jaýapkershiligi Ishki aýdıt qyzmeti týraly erejeniń negizinde ázirlenetin tıisti laýazymdyq nusqaýlyqtarmen belgilenedi, jáne olardy ortalyq atqarýshy organ jaýapty hatshysy (belgili tártippen ortalyq atqarýshy organ jaýapty hatshysynyń ókilettikteri júktelgen laýazymdyq tulǵa), al olar bolmaǵan jaǵdaıda osy memlekettik organnyń birinshi basshynyń kelisimi boıynsha, oblystyń, respýblıkalyq mańyzy bar qalanyń, astananyń ákimi buıryǵynyń (ókimniń) negizinde bekitedi. 2. IAQ mártebesi 5. IAQ memlekettik organnyń bólimshesi bolyp tabylady, basqa qurylymdyq bólimshelerden táýelsiz, ortalyq memlekettik organnyń, ortalyq memlekettik organy vedomstvosynyń birinshi basshysyna, oblystyń, respýblıkalyq mańyzy bar qalanyń, astananyń ákimine esep beredi jáne baǵynady, memlekettik organnyń ishki baqylaý júıesiniń turaqty monıtorınginiń bóligi retinde bolady. 6. IAQ ishki memlekettik aýdıtti júgizýde jáne ishki aýdıt nátıjeleri týraly esepter daıyndaýda táýelsiz. 7. IAQ ortalyq memlekettik organnyń basqa qurylymdyq bólimsheleriniń, ortalyq memlekettik organdary vedomstvolarynyń, oblystardyń, respýblıkalyq mańyzy bar qalalardyń, astananyń jergilikti atqarýshy organdarynyń quzyretine jatatyn jumystarǵa, sondaı-aq onyń ókilettikterine jatpaıtyn baǵdarlamalar men jobalardy daıyndaý nemese oryndaýǵa tartyla almaıdy. 8. IAQ qyzmetkerlerine IAQ mártebesine, memlekettik organnyń erejesine jáne ishki memlekettik aýdıt týraly erejege sáıkes qoldanylýy múmkin emes qujattardy qospaǵanda memlekettik organnyń ishki qujattarynyń erejeleri taratylady. 9. IAQ qyzmetin baǵalaýdy ishki memlekettik aýdıt jónindegi ýákiletti organ júrgizedi. 3. IAQ negizgi mindetteri, fýnksııalary, quqyqtary men mindettemeleri 10. IAQ negizgi maqsaty memlekettik organnyń basshysyna memlekettik organnyń, aýmaqtardy damytý baǵdarlamalarynyń startegııalyq maqsattary men mindetterine qol jetkizý úshin qajetti járdemdesý, memlekettik organnyń basshysyna memlekettik organdy tıimdi basqarýdy jáne bıýdjet qarajatyn, memlekettiń aktıvterin jáne táýekelderdi basqarý júıesine negizdelgen kvazımemlekettik sektordyń sýbektilerin basqarý jáne paıdalaný tıimdiligin arttyrýdy qamtamasyz etýge arnalǵan táýelsiz jáne obektıvti aqparatty usyný bolyp tabylady. IAQ mindetteri: 1) memlekettik organnyń strategııalyq qujattarynyń, aýmaqtardy damytý baǵdarlamalarynyń maqsattary men mindetterine qol jetkizilýin taldaý; 2) qarjylyq jáne basqarýshylyq aqparattyń senimdiligi men durystyǵyn, memlekettik organnyń qyzmetin ishki uıymdastyrý prosesteriniń tıimdiligin, kórsetiletin memlekettik qyzmetterdiń sapasyn, memleket aktıvteriniń saqtalýyn taldaý, baǵalaý jáne tekserý. 12. IAQ fýnksııalary: 1) qarjylyq eseptiliktiń aýdıtin júrgizýge qatysady; 2) memlekettik organda, onyń aýmaqtyq bólimshelerinde, vedomstvolyq baǵynysty uıymdarynda olardyń qyzmetiniń barlyq baǵyttary, sonyń ishinde kórsetiletin qyzmetter sapasy boıynsha tıimdilik aýdıtin júrgizedi; 3) memlekettik organda, onyń aýmaqtyq bólimshelerinde, vedomstvolyq baǵynysty uıymdarynda sáıkestik aýdıtin júrgizedi; 4) memlekettik satyp alýdy júrgizý rásimderiniń jáne shart talaptaryn oryndaýdyń sáıkestik aýdıtin júrgizedi, sonyń ishinde satyp alynatyn taýarlar, jumystar, qyzmetterdiń merzimderi, kólemi, baǵasy, sany men sapasy boıynsha; 5) memlekettik organnyń ishki prosesteriniń (bıznes prosesteriniń) táýekelderdi basqarý júıesiniń negizinde memlekettik organda, onyń aýmaqtyq bólimshelerinde jáne vedomstolyq baǵynysty uıymdarynda ishki baqylaý jáne basqarý júıesiniń jumys isteýin baǵalaýdy júzege asyrady; 6) memlekettik organnyń strategııalyq josparynyń jáne bıýdjettik shyǵystarmen ózara baılanystaǵy aýmaqtardy damytý baǵdarlamalardyń maqsatttary men mindetterine qol jetkizýin, onyń ishinde damýǵa arnalǵan nysanaly transfertterdi iske asyrýdy qosa bıýdjettik ınvestısııalar sheńberinde taldaıdy; 7) tıisti memlekettik organda taýarlyq-materıaldyq qorlardyń jáne ózge aktıvterdiń saqtalýyna tekserýdi júzege asyrady; 8) memlekettik aýdıt obektileriniń laýazymdy tulǵalarynyń ishki memlekettik aýdıt júrgizý máseleleri boıynsha tıisti aqparatyn tyńdaıdy; 9) memlekettik organnyń basshysyna Qazaqstan Respýblıkasynyń zańnamasyna sáıkes respýblıkalyq jáne (nemese) jergilikti bıýdjetterdi paıdalaný kezinde buzýshylyqtardyń jolyn kesý, olardy boldyrmaý boıynsha, anyqtalǵan kemshilikterdi joıý, memlekettik organ qyzmetin uıymdastyrýdyń ishki prosesteriniń tıimdiligin arttyrý boıynsha usynystarmen ishki memlekettik aýdıt nátıjeleri týraly esep beredi; 10) ortalyq memlekettik organnyń basshysyna nemese oblystyń, respýblıkalyq mańyzy bar qalanyń, astananyń ákimine jyldyq jumys josparlaryn oryndaý monıtorıngin júzege asyrady; 13. IAQ quqyqtary: 1) qupııalyq, qyzmettik, kommersııalyq rejımin nemese zańmen saqtalatyn ózge qupııanyń saqtalýyn eskere otyryp, tıisti jylǵa memlekettik aýdıt obektileriniń tizbesin qalyptastyrýǵa baılanysty máseleler boıynsha vedomstvolyq aqparattar júıeleri derekteriniń quramy men nysandary týraly málemetterdi, qujattamany, aqparatty, materıaldardy (dáleldemelerdi), anyqtamalardy, aýyzsha jáne jazbasha túsiniktemelerdi suratý; 2) Qazaqstan Respýblıkasynyń bıýdjetik zańnamasyn jetildirý jáne Qazaqstan Respýblıkasynyń qarjylyq júıesin damytý boıynsha usynystar ázirleý jáne olardy tıisti ýákiletti organǵa qaraý úshin usyný; 3) memlekettik aýdıtti júrgizý sheńberinde qupııalyq, qyzmettik, kommersııalyq rejımin nemese zańmen saqtalatyn ózge qupııanyń saqtalýyn eskere otyryp, memlekettik aýdıt obektileriniń aýmaǵyna jáne úı-jaılaryna kedergisiz ruqsat alý; 4) memlekettik aýdıt mindetteri men mánderine sáıkes ishki aýdıt nátıjıleri týraly esepti daıyndaý úshin belgilengen merzimderde quzyretine kiretin máseleler boıynsha qajetti qujattamany, sonyń ishinde elektrondy tasyǵyshtarda aqparat alýǵa, sondaı-aq aqparatty júıelerge qoljetimdilikti, sonyń ishinde qupııalyq, qyzmettik, kommersııalyq rejımin nemese zańmen saqtalatyn ózge qupııanyń saqtalýyn eskere otyryp, memlekettik qupııalardy jáne zańmen qorǵalatyn ózge qupııany qamtıtyn jazbasha jáne aýyzsha túsiniktemelerdi jáne ózge de aqparatty alý; 5) memlekettik baqylaý jáne qadaǵalaý organdarymen júrgizilgen memlekettik baqylaý jáne qadaǵalaý nátıjeleri boıynsha qabyldanǵan aktilerdi jáne qujattardy suratý; 6) óz quzyreti sheginde memlekettik aýdıt obektileriniń basshylarynan jáne basqa da laýazymdyq tulǵalarynan tıisti jylǵa memlekettik aýdıt obektileriniń tizbesin qalyptastyrý jáne memlekettik aýdıtti júrgizgen kezde anyqtalǵan buzýshylyqtar faktileri boıynsha jazbasha túsiniktemelerdi, sondaı-aq belgilengen tártippen kýálandyrylǵan qujattar kóshirmelerin usynýdy talap etý; 7) tıisti memlekettik organnyń vedomstvolyq baǵynysty uıymdarynda ishki baqylaý júıesin uıymdastyrý boıynsha jumystaǵy konsýltasııalyq qyzmetter kórsetý; 8) Qazaqstan Respýblıkasynyń zańnamalyq aktilerinde kózdelgen ózge quqyqtarǵa ıe. 14. IAQ mindetteri: 1) memlekettik aýdıt jáne qarjylyq baqylaý standarttaryna qatań sáıkestikte memlekettik aýdıtti jáne qarjylyq baqylaýdy júrgizedi; 2) IAQ-tyń jyldyq jáne toqsandyq jumys josparlaryn, IAQ oqytý boıynsha josparlaryn ázirleıdi, olardy birinshi basshyǵa (oblystyń, respýblıkalyq mańyzy bar qalanyń, astananyń ákimine) bekitýge usynady jáne oryndalýyn qamtamasyz etedi; 3) táýekelderdi basqarý júıesi negizinde birinshi basshysymen (oblystyń, respýblıkalyq mańyzy bar qalanyń, astananyń ákimimen) bekitiletin tıisti jylǵa memlekettik aýdıt obektileriniń tizbesin qalyptastyrady; 4) Qazaqstan Respýblıkasynyń zańnamasyna sáıkes memlekettik qupııalardy qamtıtyn málimetterdi jáne (nemese) Qazaqstan Respýblıkasynyń Úkimeti belgilegen shekteýli taratylatyn qyzmetti aqparatty qamtıtyn málimetterdi qospaǵanda, memlekettik organnyń ınternet-resýrsynda olardy bekitken kúnnen bastap bes kúntizbelik kún ishinde tıisti jylǵa bekitilgen memlekettik aýdıt tizbesin jáne olarǵa engizilgen ózgeristerdi ornalastyrady; 5) tekserýlerdiń qaıtalanýyn boldyrmaý maqsatynda memlekettik aýdıt jáne qarjylyq baqylaý organdarymen tıisti jylǵa memlekettik aýdıt obektileriniń tizbesin jáne oǵan ózgeristerdi kelisedi; 6) júıelik negizde memlekettik aýdıt jáne qarjylyq baqylaý organdarynyń, sonyń ishinde IAQ-tyń derekterin, mindetti oryndalýy úshin jiberilgen uıǵarymdary men usynymdarynyń oryndalýynyń monıtorıngin júzege asyrady; 7) memlekettik aýdıt obektileri laýazymdyq tulǵalarynyń memlekettik aýdıtti júrgizý kezinde suratylǵan qujattar men materıaldardy usynbaý nemese ýaqytyly usynbaý faktileri boıynsha aktiler jasaıdy; 8) Qazaqstan Respýblıkasynyń zańnamasyn, memlekettik aýdıt obektileriniń quqyqtaryn jáne zańdy múddelerin saqtaıdy; 9) Qazaqstan Respýblıkasynyń zańnamasynda belgilengen merzimderde memlekettik aýdıt jáne qarjylyq baqylaý materıaldaryn biryńǵaı derekter qoryna ornalastyrady; 10) memlekettik aýdıt obektileri laýazymdyq tulǵalarynyń is-áreketterin­de qylmys­tyq nemese ákimshilik quqyq buzýshylyqtar belgilerin anyqtaǵan jaǵdaıda quqyq qorǵaý organdaryna nemese ákimshilik quqyq buzýshylyqtar týraly isterdi qozǵaýǵa jáne (nemese) qaraýǵa ýákiletti organdarǵa tıisti aýdıtorlyq dáleldermen qosa materıaldar beredi; 11) memlekettik aýdıt obektisiniń belgilengen rejımine kedergi jasamaıdy; 12) Qazaqstan Respýblıkasynyń zańnamasyna sáıkes buzýshylyqtardyń aldyn alý, olardy anyqtaý jáne olardyń jolyn kesý boıynsha berilgen ókilettikterdi ýaqtyly jáne tolyq kólemde oryndaıdy; 13) qyzmettik jáne kásibi etıka talaptaryn saqtaıdy; 14) memlekettik aýdıt obektisiniń basshysyna (laýazymdyq tulǵalaryna) memlekettik aýdıtti jáne qarjylyq baqylaýdy júrgizý kezinde qatysýǵa kedergi jasamaıdy, memlekettik aýdıt jáne qarjylyq baqylaý mánine qatysty máseleler boıynsha túsiniktemeler beredi; 15) memlekettik aýdıt jáne qarjylyq baqylaý nátıjesinde alynǵan qujattar men málimetterdiń saqtalýyn qamtamasyz etedi, sonyń ishinde memlekettik qupııalarǵa, qyzmet­tik, kommersııalyq jáne zańmen qorǵalatyn ózge qupııaǵa jatatyn málimetterdi jarııalamaıdy; 16) ortalyq memlekettik organnyń, ortalyq memlekettik organdary vedomstvolarynyń birinshi basshysyna, oblys, respýblıkalyq mańyzy bar qala, astana ákimine múddeler qaqtyǵysyna yqpal etetin jaǵdaılar týraly habarlaıdy; 17) memlekettik aýdıt barysynda alynǵan jáne jınalǵan aqparattyń jáne is júzindegi faktilerdiń negizinde ǵana memlekettik aýdıt nátıjelerin negizdeıdi; 18) memlekettik organnyń basshysy basshylyq etetin Memlekettik aýdıt jáne táýekelder jónindegi keńespen ózara is-qımyl jasaıdy, onyń usynystarynyń iske asyrylýyn qamtamasyz etedi; 19) Qazaqstan Respýblıkasynyń zańnamalyq aktilerinde kózdelgen ózge de mindetter. 15. IAQ oǵan júktelgen fýnksııalar men mindetterdiń ýaqtyly jáne sapaly oryndalýyn qamtamasyz etedi. 16. IAQ qyzmetkerleri memlekettik aýdıtti júrgizý kezinde memlekettik aýdıt jáne qarjylyq baqylaýdyń negizgi qaǵıdattaryn jáne standarttaryn buzǵany úshin Qazaqstan Respýblıkasynyń zańdaryna sáıkes derbes tártiptik, ákimshilik jáne qylmystyq jaýapkershilikte bolady. 4. IAQ qyzmetin uıymdastyrý 17. IAQ–ǵa basshylyqty ortalyq memlekettik organnyń jaýapty hatshysy (belgilengen tártippen ortalyq memlekettik organnyń jaýapty hatshysynyń ókilettikteri júktelgen tulǵa), al olar bolmaǵan jaǵdaıda-buıryqtyń (ókimniń) negizinde memlekettik organnyń birinshi basshysymen, oblystyń, respýblıkalyq mańyzy bar qalanyń, astananyń ákimimen kelisim boıynsha memlekettik mekemeniń basshysy laýazymǵa taǵaıyndaıtyn jáne laýazymnan bosatatyn IAQ basshysy júzege asyrady; 18. IAQ basshysy IAQ-ǵa júktelgen mindetterdiń oryndalýyn jáne fýnksııalarynyń júzege asyrylaýyn qamtamasyz etedi, sonyń ishinde sybaılas jemqorlyqqa qarsy is-qımyl, IAQ qyzmetkerleriniń quqyqtaryn, mindetterin jáne jaýapkershiligin belgileıdi, Memlekettik aýdıt jáne táýekelder jónindegi keńes quramyna qatysady. 19. IAQ basshysy memlekettik organnyń, ortalyq memlekettik organdary vedomstvolarynyń, oblystardyń, respýblıkalyq mańyzy bar qalalardyń, astananyń jergilikti atqarýshy organdarynyń, birinshi basshysyna, oblys, respýblıkalyq mańyzy bar qalanyń, astananyń ákimine ortalyq memlekettik organnyń jaýapty hatshysymen (belgilengen tártippen ortalyq memlekettik organnyń jaýapty hatshysynyń ókilettikteri júktelgen tulǵalarmen), al olar bolmaǵan jaǵdaıda-memlekettik mekemeniń basshysynyń kelisimi boıynsha IAQ qurylymy jáne shtattyq kestesi jóninde usynystar beredi. 20. IAQ quzyretine kiretin máseleler boıynsha IAQ atynan basqa qurylymdyq bólimshelerge, vedomstvolarǵa, aýmaqtyq organdar mmen vedomstvolyq baǵynysty uıymdarǵa jiberiletin qujattar men saýaldarǵa IAQ basshysy, al ol bolmaǵan jaǵdaıda – ony aýystyratyn tulǵa qol qoıady. 21. IAQ qyzmetkerleriniń memlekettik qyzmetti ótkerý jaǵdaılary Qazaqstan Respýblıkasynyń memlekettik qyzmet týraly zańnamasymen, Qazaqstan Respýblıkasynyń eńbek zańnamasymen, Qazaqstan Respýblıkasynyń memlekettik aýdıt jáne qarjylyq baqylaý týraly zańnamasymen, Ishki aýdıt qyzmeti týraly erejemen jáne Qazaqstan Respýblıkasynyń ózge de normatıvtik quqyqtqy aktilermen belgilenedi. 22. IAQ qyzmeti olarǵa júktelgen mindetter men ókilettikterdi iske asyrýdy qamtamasyz etý maqsatynda olardyń birinshi basshylary bekitetin IAQ-nyń perspektıvtik, jyldyq, toqsandyq jumys josparyna jáne memlekettik aýdıt obektileriniń tizbesine sáıkes júzege asyrylady. 5. IAQ eseptiligi 23. IAQ júrgizilgen memlekettik aýdıt jáne qabyldanǵan sharalar týraly esepter men aqparatty ishki memlekettik aýdıt jónindegi ýákiletti organǵa jiberedi. 24. IAQ jyl saıyn ortalyq memlekettik organnyń, ortalyq memlekkettik organy vedomstolarynyń basshysyna, oblystyń, respýblıkalyq mańyzy bar qalanyń, astana ákimine, sondaı-aq ishki memlekettik aýdıt jónindegi ýákiletti organǵa ishki memlekettik aýdıt qorytyndylary boıynsha jyldyq esepter beredi. Buıryq Qazaqstan Respýblıkasynyń Ádilet mınıstrliginde 2015 jylǵy 26 jeltoqsanda Normatıvtik quqyqtyq kesimderdi memlekettik tirkeýdiń tizilimine №12544 bolyp engizildi.